ен біреуіңізге сіңлі, енді біріңізге әпке немесе құрбымын. Бастысы – бәріміз әйелміз. Жанымыз нәзік. Нағыз әйелдің бақытына бөленуді армандаймыз. Ал оның құпиясы қолыңыздағы кітапта жазылған. Кез келген нәрсе тәжірибемен келеді. Ендеше сіз де бақытты болуға тәжірибе жасап көріңіз.
Өзгеріс іздейміз... Өзімізден басқасының бәрінің өзгергенін қалаймыз. Сонда неден бастау керек?! Үлкен істің бәрі қарапайым қадамдардан басталады ғой. Ендеше сіз де күнделікті жоспарыңызды жаңартудан бастаңыз. Таңертең күліп оянып, 10 нығметке алғыс айтыңыз. Көршілеріңізге бірінші және күліп амандасыңыз. Жұмысқа күнде жүретін жолыңызбен емес, басқа бағытпен барыңыз. Ылғи өзгермейтін шаш үлгіңізді, киім киісіңізді, жейтін асыңызды, араласатын ортаңызды да ауыстырып көріңіз. Жұмысы көп, жалақысы аз қызметіңізге шағымдануды тоқтатып, ақша табудың қосымша тетігін табыңыз. Қолыңыздан келеді. Бұл қадамдар сізді қанаттандырады. Егер ертеңгі күніңіз өзгерсін десеңіз, бүгінгі күніңізді өзгертуден қорықпаңыз!
Әркімнің бақытты болуға құқы бар, әсіресе әйелдің.